བདག་སེམས་ཀྱི་རྩ་ཐང་།
རྩ་ལྗང་གི་ལོ་མ། མེ་ཏོག་གི་སྐྱེད་ཚལ།
མ་སྲུ་ཚོའི་གསེར་གྱི་མཛུབ་དཀྲིས་བསྒྲོན་སའི་རྩ་ཐང་།
གནས་འདི་ནི་ངའི་ཆུང་གྲོགས་ཀྱི་མིག་ཆུ་འཐོར་ས་ཡིན།
གནས་འདི་ནི་མ་ཡུམ་གྱི་བཞོ་དབྱངས་འགུགས་ས་ཡིན།
མཐོ་སྒང་གི་རྩ་ཐང་ཨ་མའི་མིག་ཟུང་བཞིན་དྭངས་ཤིང་གཙང་།
ཨ་་་་་་་་་་་་་་་དྭངས་ཤིང་གཙང་།
གཡག་རྒོད་ཀྱི་རྨིག་རྗེས། རྟ་མཆོག་གི་མཚེར་སྐད།
ཕ་ཁུ་ཚོའི་གཡུ་ཡི་རྣ་ལུང་འདོགས་སའི་རྩ་ཐང་།
གནས་འདི་ནི་ངའི་བྱིས་དུས་ཀྱི་རྐང་རྗེས་དཔར་ས་ཡིན།
གནས་འདི་ནི་ངའི་ཡབ་ཆེན་གྱི་ཕོ་རུས་ངོམ་ས་ཡིན།
མཐོ་སྒང་གི་རྩ་ཐང་ཡབ་མེས་ཚོའི་བློ་ཁོག་བཞིན་ཡངས་ཤིང་ཆེ།
ཨ་་་་་་་་་་་་་ཡངས་ཤིང་ཆེ།
|
ལྷ་སའི་གཏིང་ཀོང་ཆུ་མིག ༼གཞས་ཚིག༽
གཞས་ཚིག་རྩོམ་མཁན། སྨན་བླ་སྐྱབས། བཅུས་ནས་འཛད་རྒྱུ་མེད་པ།། མ་བཅུས་འཕྱུར་རྒྱུ་མེད་པ།། ལྷ་སའི་ཆུ་མིག་གཏིང་ཀོང་།། སྒོ་རའི་ནང་ལ་ཡོད་རེད།། བར་སྐོར་ཁྲོམ་གཟིགས་སྒང་གི ། སྒོ་རའི་ནང་ལ་ཡོད་རེད།། བྱུང་ན་ལན་གསུམ་མཆོད་རོགས།། མ་བྱུང་རྒྱང་ནས་མཇལ་རོགས།། བསོད་ནམས་ལས་ཀྱི་བདུད་རྩི་གཏིང་ཀོང་ལགས། དབུས་ཀྱི་དབུས་ལ་འཁྱིལ་བ།། རྡོ་གཞོང་ནང་ལ་འཁྱིལ་བ།། ལྷ་སའི་ཆུ་མིག་གཏིང་ཀོང་།། སྒོ་རའི་ནང་ལ་ཡོད་རེད།། བར་སྐོར་ཁྲོམ་གཟིགས་སྒང་གི ། སྒོ་རའི་ནང་ལ་ཡོད་རེད།། བྱུང་ན་ལན་གསུམ་མཆོད་རོགས།། མ་བྱུང་རྒྱང་ནས་མཇལ་རོགས།། ལས་སྒྲིབ་སེལ་བའི་བདུད་རྩི་གཏིང་ཀོང་ལགས། ཕྱི་ལོ་ ༢༠༡༡ སྤྱི་ཟླ་ ༡༠ ཚེས་ ༢༠ ཉིན་གྱི་དགོང་དྲོར་ཙོང་ཁ་རུ་བྲིས་།
|
གཞས་ཚིག གངས་ཅན་བོད་ཀྱི་བུ་ཆུང་།
གཞས་ཚིག་རྩོམ་མཁན་ སྨན་བླ་སྐྱབས་།
ང་ནི་གངས་ཅན་བོད་ཀྱི་བུ་ཆུང་ཞིག་ཡིན། བྲག་སྟོད་མཐོན་པོའི་ཐང་དཀར་རྒོད་པོ་ཞིག་ཡིན།
ང་ཡི་མིག་རྒྱང་མཐོ་ཡང་། ང་ཡི་ནམ་མཁའ་དོག་ཀྱང་།
གཤོག་རྩལ་བརྐྱངས་ནས་འཕུར་ས། གཤོག་རྩལ་ངོམ་ནས་ལོག་ས།
ཕ་གཞིས་གངས་ཀྱི་ར་བ་འདི་ལས་མེད།
ཨ། ་་་ ་་་
ངའི་དང་རུས་དཀར་པོ། མེས་པོའི་གསུང་སྐད་འབྱོན་པའི་གླིང་བུ་ཞིག་ཡིན།
ང་ནི་གངས་ཅན་བོད་ཀྱི་བུ་ཆུང་ཞིག་ཡིན། མི་རྒྱུད་ལྷ་ལས་མཆེད་པའི་བུ་རྒྱུད་ཅིག་ཡིན།
ང་ཡི་བློ་ཁ་མཐོ་ཡང་། ང་ཡི་ལམ་བུ་དོག་ཀྱང་།
རྨི་ལམ་ཁྱེར་ནས་འགྲོ་ས། ལུས་སེམས་ཁུར་ནས་ལོག་ས།
ཕ་གཞིས་གངས་ཀྱི་ར་བ་འདི་ལས་མེད། ཨ། ་་་ ་་་
ངའི་བརླ་རུས་དཀར་པོ། མེས་པོའི་གསུང་སྐད་འབྱོན་པའི་གླིང་བུ་ཞིག་ཡིན།། :།
ཕྱི་ལོ་ ༢༠༡༡ སྤྱི་ཟླ་ ༧ ཚེས་ ༢༡ ཉིན་བྲིས་།